Ipagdiwang ang iyong desisyong sundin si Jesus sa pamamagitan ng paghahayag nito nang may pananampalataya at pagpapabautismo!
Ang binyag o bautismo ay isang mahalagang pagpapakita sa lahat ng pagsunod mo kay Jesus.
Why should I get baptized?
● Si Jesus ay nagpabautismo, kaya’t sa pagpapabautismo, sinusunod natin ang kanyang halimbawa.
Sa panahong iyon, dumating si Jesus mula sa Nazaret na sakop ng Galilea at nagpabautismo kay Juan sa Ilog ng Jordan. Marcos 1:9 [ASND]
[Sinabi ni Jesus,] “Kaya puntahan ninyo ang lahat ng mga lahi at gawin silang mga tagasunod ko. Bautismuhan ninyo sila sa pangalan ng Ama at ng Anak at ng Banal na Espiritu. Turuan ninyo silang sumunod sa lahat ng iniutos ko sa inyo. At tandaan ninyo: lagi ninyo akong kasama hanggang sa katapusan ng mundo.” Mateo 28:19–20 (ASND)
● Ang bautismo ang iyong pampublikong pagpapahayag ng pananampalataya kay Jesus.
At marami pang mga taga-Corinto na nakinig kay Pablo ang sumampalataya at nagpabautismo. Gawa 18:8b (ASND)
● Ang pagpapabautismo ay nagpapakita na kilala mo si Jesus sa personal na antas.
'Nakatitiyak tayong kilala natin ang Dios kung sinusunod natin ang kanyang mga utos.' 1 Juan 2:3 (ASND)
Ano ang kahulugan ng binyag o bautismo?
● Simbolo ito ng paglilibing kay Jesus at muli niyang pagkabuhay.
Sapagkat ibinigay ko sa inyo ang pinakamahalagang aral na ibinigay sa akin: Na si Cristoʼy namatay upang iligtas tayo sa ating mga kasalanan, ayon sa Kasulatan. Inilibing siya ngunit muling nabuhay sa ikatlong araw, ayon din sa Kasulatan. 1 Corinto 15:3–4 (ASND)
● Simbolo ito ng iyong bagong buhay bilang isang Cristiano.
Ang sinumang na kay Cristo ay isa nang bagong nilalang. Wala na ang dati niyang pagkatao; binago na siya. 2 Corinto 5:17 (ASND)
Kaya noong binautismuhan tayo, namatay tayo at inilibing na kasama niya. Kung paanong binuhay muli si Cristo sa pamamagitan ng dakilang kapangyarihan ng Ama, tayo rin ay mamuhay sa bagong buhay. Roma 6:4 (ASND)
● Hindi ka nagiging mananampalataya dahil sa binyag o bautismo — ipinapakita nito na isa ka na! Ang bautismo ay parang singsing sa kasal. Ito ang panlabas na simbolo ng isang pangakong ginawa mo sa iyong puso.
Dahil sa biyaya ng Diyos , naligtas kayo nang sumampalataya kayo kay Cristo . Kaloob ito ng Diyos, at hindi galing sa inyo. Efeso 2:8 (ASND)
Sino ang dapat na magpabinyag?
Ang bawat tao na gumawa ng desisyon na maniwala kay Cristo ay dapat na magpabinyag.
Marami ang naniwala sa kanyang mensahe at nagpabautismo agad sila. Gawa 2:41a (ASND)
Ang tanging kailangan para sa binyag o bautismo ay ang pananampalataya kay Jesus! Ito ang dahilan kung bakit hindi natin binibinyagan ang mga bata hanggang sa sila ay nasa hustong gulang na at may kakayahan nang maunawaan at maniwala para sa kanilang sarili.